"Avropa Parlamentinin qəbul etdiyi qətnamə boş bir kağız parçasıdır" - DEPUTAT

"İndiyədək Avropa Parlamentində keçmiş Dağlıq Qarabağ münaqişəsi, Azərbaycan-Ermənistan münasibətləri ilə bağlı bir neçə dəfə müzakirələr aparılıb".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, hər dəfə müzakirələrə çıxardılan hesabatlar yalanlarla dolu olmaqla yanaşı, qəbul olunan qətnamələr bilavasitə ermənilərin maraqlarını əks etdirib:

"Bu günlərdə Avropa Parlamenti ermənipərəstliyini növbəti dəfə ortaya qoyub. Belə ki, qurumun martın 13 -də qəbul etdiyi növbəti qətnamədə yenə də anti-Azərbaycan məzmunlu bəndlər və bu dəfə həmçinin beynəlxalq əlaqələrin mahiyyətinə zidd olaraq siyasi etik normalardan kənara çıxan cəfəng və təhqiramiz ifadələrin, Azərbaycanın ərazi bütövlüyü və suverenliyinə qarşı açıq pozuntu dolu fikirlər yer alıb. Avropa Parlamenti bu günə qədər ermənilərin beynəlxalq hüquqla bir araya sığmayan əməllərini qınayan hansısa bir sənəd qəbul etməyib. Görünən odur ki, AP bu yanaşması ilə separatçılığı, qanunsuzluğu, ksenofobiyanı təşviq edir. Bu da parlamentin bəyan etdiyi prinsiplərinə sadiq olmadığını bir daha göstərir. Belə bir qurumun dünyaya demokratiya insan hüquqları dərsi keçməyə haqqı yoxdur. Mən deyərdimki, artıq bu qurum fəaliyyətinə xələl gətirir. Avropa Parlamentinin indiyədək Azərbaycan əleyhinə qəbul etdiyi qətnamələrin heç biri hüquqi əsasları olan sənədlər kimi qəbul olunmayıb. Yeni qətnamə də bu baxımdan heç nə ilə fərqlənmir və boş bir kağız parçasıdır. Belə qətnamələr, qarayaxma kampaniyaları hec vəchlə Azərbaycanın iradəsinə təsir göstərə bilməz.

Telegramda izləyin