Dünyanın ən dərin hovuzu harada YERLƏŞİR?- FOTOLAR

Çoxumuz üzmək və hətta daha çox dərinə enmək üçün böyük hovuzlar axtarırıq. Bəs dünyanın ən böyük və dərin hovuzu harada yerləşir?

Sonxeber.az xarici mənbəyə istinadən xəbər verir ki, 60 metr dərinliyi olan "Deep Dive Dubai" hovuzu dünyanın ən dərin hovuzu olaraq Ginnesin Rekordlar Kitabına düşüb.

Hovuzun dərinliyi 60,02 metrdir və 14 milyon litr su tutur ki, bu da altı olimpik ölçülü üzgüçülük hovuzuna bərabərdir.

Hovuzda suyun təmizlənməsi silisli vulkanik üsul tətbiq edilir. Belə ki, vulkanik qayadan istifadə edərək hər altı saatdan bir su süzülür və dövriyyəyə buraxılır. Filtrləmə sistemində NASA tərəfindən hazırlanmış texnologiyadan və UV radiasiya da istifadə olunur.

Dalğıcların rahatlığını təmin etmək üçün hovuzun suyunun temperaturu 30 dərəcə Selsi səviyyəsində saxlanılır.

Bu hovuz dalğıclar üçün fərqli sualtı təcrübə təklif edir və hovuzda hətta batmış sualtı şəhər də var. Hovuzun içindəki batmış şəhər o qədər gözəl tikilib ki, sanki əsl şəhərin ətrafında gəzirsən. Hovuzun dərinliklərini seyr edərkən nahar edə biləcəyiniz restoranlar və iclas otaqları da var. Hovuz 56 müxtəlif kamera ilə izlənilir.

Telegramda izləyin