"Bu gərginliyin sonu müharibə ilə nəticələnə bilər" - Ekspert

Xəbər verdiyimiz kimi, aprelin 9-u saat 10:40 radələrində Ermənistan silahlı qüvvələrinin bölmələri İstisu yaşayış məntəqəsi istiqamətində yerləşən mövqelərindən Azərbaycan Ordusunun Kəlbəcər rayonunun İstisu yaşayış məntəqəsi istiqamətində yerləşən mövqelərini atıcı silahlardan atəşə tutub. Mövqelərimiz atəşə tutulmağa davam edilsə iki ölkə arasında müharibə baş ver bilər

Məsələ ilə bağlı hərbi ekspert Səxavət Məmməli Sonxeber.az-a açıqlama verib.

Ekspert bildirib ki, regionda müharibə hər an mümkündür:

Ermənistan Azərbaycan arasında sülh danışıqları getmir. Amma tərəflər arasında hərbi gərginlik də yox idi. 5 aprel görüşləri elən olunduqdan sonra tərəflər arasında gərginlik yaranmağa başladı. Bu görüşə ilk reaksiya Rusiya daha sonra Azərbaycandan gəldi . Açıq şəkildə görünür ki, region ölkələri bu görüşün keçirilməsindən narahat idilər. Görüşdən sonra da gərginliklər səngimədi. Ermənistan Naxçıvan tərəfdən atəşkəsi daha çox pozur. Azərbaycan ona adekvat cavabı verir. Hesab edirəm ki, bu gərginlik artan xətlə davam edəcək. Regionda müharibənin olmasını istəyən ölkələr var. Yaxın zamanda hələki müharibə ehtimalı yoxdur. Amma bu gərginliyin sonu müharibə ilə nəticələnə bilər. Ermənistan davamlı olaraq silahlandırılır. Fransa ABŞ-nin və Avropa İttifaqının bu regiondakı sözcüsüdür. Avropa İttifaqı və ABŞ regionda sülh olmasını istəmir. Bu da o deməkdir ki, regionda müharibə hər an mümkündür".

Telegramda izləyin