Kuryer xidməti üçün də təzə AVTOMOBİL OLMALIDIR? - VİDEO

Əvvəl taksi sürücüsü işləyirdi, indi isə işləyə bilmir. Son vaxtlar avtomobil ilə çatdırılma xidməti həyata keçirən vətəndaşın bu işi də dayandırılıb.

Sonxeber.az xəbər verir ki, sürücü "Xəzər Xəbər"in qaynar xəttinə müraciət edib. O bildirib ki, avtomobilinin ili ilə əlaqədar yeni qaydalara əsasən taksi fəaliyyəti göstərə bilmir. Buna görə də işini kuryer olaraq davam etdirmək qərarına gəlib. Lakin bir müddət əvvəl işlədiyi taksi şirkəti tərəfindən hesabına blok qoyulub. Buna səbəb isə avtomobilinin köhnə olması göstərilib.

"Bolt şirkətinin dəstək xidmətinə yazdım. Onlardan xahiş etdim ki, çatdırılma xidmətini açsınlar. Onlar bu xidməti açdılar və üç gün sonra xəttə daxil oldum. Gördüm yazıb ki, 2006-ci il buraxılışı olan avtomobil heç bir kateqoriyada işləyə bilməz. Şirkətdən soruşdum ki, niyə icazə vermirlər. Dedilər ki, AYNA icazə vermir. Yükdaşımaya görə sənəd almalıyam ".

Şikayətçi deyir ki, kuryer xidməti göstərən sürücülərin avtomobillərinə qoyulan il tələbi onlar üçün gözlənilməz olub.

Ətraflı "Xəzər Xəbər"in süjetində:

Telegramda izləyin