Məhəllədə yalnız ahıllar qalıb – Cavanları buradan qaçıran nədir?

Bura Naxçıvanın ən qədim və mərkəzi küçələrindən biri olan Səməd Vurğun küçəsidir. Buraya el arasında çuxurda deyirlər. Sakinlərin burada uzun illərdir problemi var. Əsas problem isə görünən yol problemidir.

Sözügedən küçənin asfalt örtüyü yoxdur. Burada demək olar ki, 6 min çox insanın yaşadığı ərazidir. 50 ildən uzun bir müddətdir ki, yaşanan problem buranın sakinlərindən başqa heç kimi narahat etmir.

Sonxeber.az xəbər verir ki, məsələ ilə bağlı sakinlər"Apa TV"yə danışıb. Onlar deyirlər ki, bu küçə heç vaxt asfaltlanmayıb. Yağış və qar yağanda buraya girmək olmur. Taksilər bu küçənin adını eşidəndə ya getmir, ya da qat-qat artıq pul istəyirlər:

" Təcili tibbi yardım bura gəlmir. Şəhərin ən mərkəz yeridir. Bütün şəhərin seli bu küçəyə gəlir. Camaatın maşınına, malına və evinə ciddi ziyan vurur. Kəndlərə baxsaz belə yollar heç yerdə yoxdu. Hər yeri asfaltlayıblar. Bizim məhəllə isə bu gündədir ".

Sakinlər yalnız bununla problem yaşamır. Burada başqa problemlərdə var. Vəziyyət o həddə çatıb ki, insanlar köçüb gedir, evləri isə yavaş-yavaş boşalır.

Ətraflı "Apa TV" nin süjetində:

Telegramda izləyin