Azərbaycanda bu kəndin sakinləri hara gedib? - VİDEO

Ucqar kənd olan Baqalli kəndi günü-gündən boşalır. İş o yerə çatıb ki, kənd məktəbində cəmi 9 şagird təhsil alır. Bəs sakinlər dədə-baba yurdunu qoyub niyə başqa yerə köçür.

Sonxeber.az xəbər verir ki, məsələ ilə bağlı "Atv Xəbər" araşdırma aparıb. Tovuzun Baqqallı kəndinin əsrarəngiz təbiəti, təmiz havası və sərin bulaqları olsa da, sakinləri gündən-günə azalır. Məşğuliyyəti əkinçilik və maldarlıq olan kənddə indi əksər qapılara qıfıl vurulub:

"İnsanların köçmə səbəbi odur ki, iş yerləri yoxdur. Burada dolana bilmirlər. Qaz yoxdu, odun üçün meşəyə getmək lazımdır. Meşədən isə gətirmək problemdir. İşıq yoxdur. Xətlər və məftillər pis vəziyyətdədir. Aylarla bizdə işıq olmur. Bura turistləri cəlb edən yerdir. Bu kimi səbəblərə görə belə qalmışıq. Uşaqları və ailəmizi dolandırmaq üçün fəhləlik edirik. İş yeri olsaydı, köçüb getmərik".

Bir vaxtlar Baqqallı kəndində 120 evdə yaşayış olsa da son illər bu evlərin 11-də yaşayış var. Bu da kənd məktəblərinin sayının azalmasına səbəb olub.

Ətraflı "Atv Xəbər"in süjetində:

Telegramda izləyin