Hədə-qorxu və şantaj ilə vətəndaşlardan pul alanlar: Əmlakı müsadirə olunmaqla 15 il həbs EDİLƏ BİLƏR

Son zamanlar çox qarşılaşdığımız cinayətlərdən biri də hədə-qorxu ilə tələb etmədir və bu cinayətin statistik göstəricisi keçən illərə nisbətdə daha da artıb. Bəs həmin şəxslərə hansı cəza cerilir.

Məsələ ilə bağlı vəkil Elvin Əliyev Sonxeber.az-a açıqlama verib.
Vəkil bildiirb ki, həmin cinayət maddəsinin sanksiyasında nəzərdə tutulmuş cəzalar kifayət qədər sərtdir

"Həmin cinayət maddəsinin sanksiyasında nəzərdə tutulmuş cəzalar kifayət qədər sərtdir . Lakin cəmiyyətdəki şəxsləri həmin cinayətdən yayındırmaq üçün cəzaların daha da sərtləşdirilməsi məqsədə müvafiqdir.

Həmin cinayət Azərbaycan Respublikası Cinayət Məcəlləsinin 182-ci maddəsi yəni hədə-qorxu ilə tələb etmə maddəsi ilə tənzimlənir.
Belə ki, həmin qanunun 182.1-ci maddəsinə əsasən hədə-qorxu ilə tələb etmə, yəni zərərçəkmiş şəxsin və ya onun yaxın qohumlarının şəxsiyyəti üzərində zor göstərmə, onların haqqında rüsvayedici məlumatlar yayma və ya onların əmlakını tələf etmə hədəsi ilə özgənin əmlakını və ya əmlaka olan hüququnu və ya əmlak xarakteri daşıyan digər hərəkətlər etməsini tələb etmə— üç ilədək müddətə azadlığın məhdudlaşdırılması və ya üç ildən beş ilədək müddətə azadlıqdan məhrum etmə ilə cəzalandırılır.
182.2. Eyni əməllər:
182.2.1 qabaqcadan əlbir olan bir qrup şəxs tərəfindən törədildikdə;
182.2.2. təkrar törədildikdə;
182.2.3. zor tətbiq etmə ilə törədildikdə;
182.2.4. xeyli miqdarda əmlak əldə etmək məqsədi ilə törədildikdə— əmlakı müsadirə olunmaqla və ya olunmamaqla beş ildən on ilədək müddətə azadlıqdan məhrum etmə ilə cəzalandırılır.
182.3. Bu Məcəllənin 182.1 və ya 182.2-ci maddələrində nəzərdə tutulmuş əməllər:
182.3.1. mütəşəkkil dəstə tərəfindən törədildikdə;
182.3.2. külli miqdarda əmlak əldə etmək məqsədi ilə törədildikdə;
182.3.3. zərərçəkmiş şəxsin sağlamlığına ağır zərər vurmaqla törədildikdə
182.3.4. əvvəllər talama və ya hədə-qorxu ilə tələb etməyə görə iki dəfə və ya daha çox məhkum edilmiş şəxs tərəfindən törədildikdə— əmlakı müsadirə olunmaqla on ildən on beş ilədək müddətə azadlıqdan məhrum etmə ilə cəzalandırılır.
182.4. Bu Məcəllənin 182.1—182.3-cü maddələrində nəzərdə tutulmuş əməllər xüsusilə külli miqdarda əmlak əldə etmək məqsədi ilə törədildikdə —on üç ildən on yeddi ilədək müddətə azadlıqdan məhrum etmə ilə cəzalandırılır".

Vəkil eyni zamanda bildirib ki, zərərçəkmiş şəxs məhkəmə istintaq bitənədək vurulmuş maddi zərərlə bağlı iddia qaldıra bilər:

"Bununla yanaşı cinayət törətmiş şəxsə cinayət maddəsinin sanksiyasında olan cəzalardan biri məhkəmə tərəfindən verilməsinə baxmayaq zərərçəkmiş şəxs məhkəmə istintaq bitənədək vurulmuş maddi zərərlə bağlı iddia qaldıra bilər. Eləcə də zərərçəkmiş şəxs məhkəmənin hökmü qanuni qüvvəsini aldıqdan sonra cinayəti törətmiş şəxsə qarşı mülki qaydada mənəvi ziyan tələbi ilə bağlı məhkəməyə müraciət edə bilər".

Gülcahan Məmmədova

Telegramda izləyin