Sərxan Kamallının ölüm səbəbi açıqlandı

Tanınmış jurnalist Sərxan Kamallının ölüm səbəbi açıqlanıb.

Kliniki Tibbi Mərkəzdən Oxu.Az-a verilən məlumata görə, 1983-cü il təvəllüdlü jurnalist Sərxan Kamallı iyunun 16-sı saat 6:25-də insult səbəbilə Xətai Tibb Mərkəzinin Reanimasiya və intensiv terapiya şöbəsinə yerləşdirilib.

"Həkimlərin səylərinə və çoxsaylı tibbi müdaxilələrə baxmayaraq, iyunun 17-si saat 7:15-də beyindaxili qansızma, soltərəfli hemiplegiya, baş-beyin ödəmi, ağciyər ödəmi səbəbindən dünyasını dəyişib", - məlumatda bildirilir.

08:46

Tanınmış jurnalist Sərxan Kamallı 41 yaşında vəfat edib.

Oxu.Az bildirir ki, bu barədə jurnalistin yaxınları sosial şəbəkədə məlumat yayıblar.

O, ötən gün insult keçirməsi səbəbindən Xətai Tibb Mərkəzinə yerləşdirilmişdi. Komatoz vəziyyətdə olduğu bildirilirdi.

Qeyd edək ki, Sərxan Kamallı Baku TV-nin redaktoru işləyirdi. Daha əvvəl isə bir çox media qurumlarında işləyib.

Telegramda izləyin