Qızıl axtarışında olanlar 2800 il yaşı abidəni dağıdır - VİDEO

Salyanda bir ərazi var ki, qədim yaşayış məskənidir. Təsadüfən yol çəkilişi zamanı burada yaşı 2800 il ola küp qəbirlər aşkarlanıb. Əfsuslar olsun ki, baxımsızlıqdan arxeoloji qazıntıların aparıldığı yer çox da ürəkaçan vəziyyətdə deyil. Sadəcə olaraq cavabdeh qurumlar kiçik lövhəcik asmaqla işlərini bitmiş hesab edirlər.

Arxeoloji qazıntının aparıldığı ərazi yağışın və qarın təsirindən, zinət əşyaları axtaran vandalların "əməyi"ndən sonra bərbad vəziyyətə düşüb. Qazıntılar zamanı 30-dan çox irili-xırdalı küp və torpaq qəbirlər, 250-dən çox məişət əşyaları aşkarlanıb. Arxeoloq və tədqiqatçılar hesab edirlər ki, Babazanlı dağlarında aşkar edilən bu tarixi abidələrin ərazisində yaşayış məskənləri olub. Arxeoloji qazıntılardan 1-2 il keçməsinə baxmayaraq, bu abidələrin qorunması istiqamətində hər hansı bir tədbir görülməyib.

Sonxeber.az xəbər verir ki, məsələ ilə bağlı Apa TV-nin əməkdaşları araşdırma aparıb:

"Həmin abidələrə mühafizəçi təyin olunmayıb. Ona görə də, abidənin üzərini müvafiq sellofanla örtdük. Hətta üzərinə əlavə torpaq əlavə etdik. Əlbəttə biz gələn zaman fərqli mənzərə ilə qarşılaşdıq. Abidəni dağıdanlar və zinət əşyaları axtaranlar həmin küp qəbirləri məhv ediblər. Hazırda həmin ərazi demək olar ki, tamamilə bərbad vəziyyətdədir. Yeri gəlmişkən qeyd etmək lazımdır ki, ərazini o vəziyyətdə gördükdən sonra, biz arxeoloji işlərin aparılmasını dayandırdıq. Səbəb isə bu abidələr üzə çıxdıqca məhv olur. Ondansa torpaq altında qalaraq qorunması daha məqbul hesab olunur".

Məsələ ilə bağlı aidiyyəti üzrə qurumlar ilə əlaqə saxlanılıb.

Ətraflı Apa TV-nin süjetində:

Telegramda izləyin