Vahid tələbə kartının hansı üstünlükləri OLACAQ? - VİDEO

Vahid tələbə kartı yaradılır. Tələbə kartlarının təhsil alanların dərsdənkənar fəaliyyətləri zamanı faydalana biləcəyi xüsusi imtiyazlara sahib olacağı qeyd edilir. Xarici təcrübəyə nəzər salsaq bu sistemi bir çox ölkələrdə müşahidə edə bilərik. Minimum qiymətə yemək talonları, ucuz nəqliyyat xərcləri və xüsusi güzəşt kuponları... Bəs Azərbaycanda tələbələrə hansı güzəştlər tətbiq olunmalıdır?

Sonxeber.az xəbər verir ki, suala cavab tapmaq üçün "Xəbər Ertəsi"nin əməkdaşları araşdırma aparıb:

"Tələbələrə xüsusi güzəşt olmaldır. Tələbələrin gəlirləri az olur. Bu baxımdan qiymətlərdə onlara güzəştlər edilməlidir. Mövcud təqaüd ilə xərclərimizi qarşılaya bilmirik. Ona görə endirimlər olsa yaxşı olardı. Eyni zamanda gediş haqlarında güzəştlər edilə bilər".

Təhsil eksperti Kamran Əsədov bildirib ki, bir çox ölkədə tələbələr üçün müəyyən güzəştlər tətbiq edilir. Ölkəmizdə bu güzəştlərin tətbiq edilməsi üçün vahid tələbə platformasına ehtiyac var. Ekspertin sözlərinə görə, bəzi tələbələrin yaşı az olduğu üçün valideynlər onların adına bank hesabı aça bilmirlər. Amma yeni kart bank əməliyyatlarının icrasına, tələbə biletinin əvəz edilməsinə, həmçinin istifadə zamanı müxtəlif güzəşt və endirimlərdən yararlanmağa şərait yaradacaq.

Ətraflı "Xəbər Ertəsi"nin süjetində:

Telegramda izləyin