Qanunlardan belə YAYINIRLAR: "Ünvana proqramdakı taksi yerinə başqa maşın gəlir" - VİDEO

Taksidən istifadə edənlər son günlər belə bir problemlə tez-tez qarşılaşırlar. Operator proqramları vasitəsilə taksi sifariş edilir, sistemdə göstərilən maşının əvəzinə ünvana başqa nəqliyyat vasitəsi gəlir. Məlum olur ki, həmin maşın iyulun 1-dən taksi xidmətindən çıxarılan köhnə nəqliyyat vasitəsidir. Bəs bu necə baş verə bilər?

Sonxeber.az xəbər verir ki, məsələ ilə bağlı "ARB Xəbər"in əməkdaşları araşdırma aparıb.

Bunun yalnız bir səbəbi var. Sürücülər taksi fəaliyyəti göstərmək üçün icazə sənədi alanda ya şəxsi istifadəsində olan, ya da etibarnamə ilə idarə etdiyi istehsal ili yeni olan maşın ilə qeydiyyatdan keçiblər. Xidməti isə günlük 5-10 manata olan, icarəyə verilən köhnə maşınlar ilə icra edirlər. Onları bu addımı vadar edən əsas səbəb əlavə gəlir əldə etməkdir:

"Bunun sadə çıxış yolu var. Reqlamentə görə, taksi fəaliyyəti ilə məşğul olan avtomobillərin damında sarı rəngli taksi fənəri olmalıdır. Bu vacib qərarlardan biridir. Həmin sarı rəngli taksi fənəri avtomobilin damında olarsa, bu cür hallar aradan qalxacaq. Bu çox sadə üsuldur. Bunu müvafiq qurumlar taksi fəaliyyəti ilə məşğul olan sürücü yaxud sahibkarlardan tələb kimi ortaya qoysalar bu problem aradan qalxacaq".

Məsələdən xəbərdar olan Azərbaycan Yerüstü Nəqliyyat Agentliyi isə problemdən çıxış yolu tapıb.

Ətraflı "ARB Xəbər"in süjetində:

Telegramda izləyin