Şəxsi güzgüsü, möhürünün surəti və digər əşyalar: Bakıxanovla Amsarı bağlayan nədir? - VİDEO

Abbasqulu ağa Bakıxanovun ömrünün 17 ili bu kənddə - Amsarda keçib. Bakı xanlarının nəslindən olan atası II Mirzə Məhəmməd xan 1802-ci ildə xanlığın taxt uğurunda vuruşmalarında əmisi oğlu Hüseynqulu xana uduzduğuna görə, dayısı qubalı Fətəli xanın ona bağışladığı Amsar kəndinə köçüb. Abbasqulu ağada 1819-cu ilədək bu kənddə yaşayıb.

Sonxeber.az xəbər verir ki, məsələ ilə bağlı "Aztv Xəbər"in əməkdaşları süjet hazırlayıb:

"Muzeyin guşəsində Abbasqulu ağa Bakıxanovun şəxsi güzgüsü nümayiş olunur. Bu güzgünün 230 ilə yaxın yaşı var. Muzeyə bu güzgünü Amsar kəndinin sakini - Əkrəm adlı bir kişi təqdim etmişdi. Əkrəm adlı şəxsin babaları Abbasqulu ağa Bakıxanovun malikanəsində işləmişdir".

Abbasqulu ağa Bakıxanov Amsarda yaşayarkən təhsilini davam etdirib. Ərəb və fars dillərini isə mükəmməl öyrənib. Bədii və elmi yaradıcılığa başlayıb. Kənddə fəaliyyət göstərən ev muzeyində bu barədə sənədlər, eləcə də şəxsi möhürünün surəti saxlanılır.

Ətraflı "Aztv Xəbər"in süjetində

Telegramda izləyin