"Bakıda yaşayan şəxslər bina evlərinə daha çox üstünlük verir" - Ekspert

2024-cü ilin II rübündə mənzil bazarında qiymətlər 2023-ci ilin II rübünə nisbətən 9.2% artıb.Bu barədə Dövlət Statistika Komitəsinə istinadən xəbər verir. Bildirilib ki, cari ilin II rübündə ilkin mənzil bazarında qiymətlər ötən ilin müvafiq dövrü ilə müqayisədə 10.3%, təkrar mənzil bazarında qiymətlər isə 9.2% artıb. Belə ki, 2024-cü ilin II rübündə mənzillər əvvəlki rüb ilə müqayisədə 2,2%, o cümlədən ilkin mənzil bazarı üzrə 3.3%, təkrar mənzil bazarı üzrə 2,2% bahalaşıb.

Məsələ ilə bağlı əmlak eksperti Ramil Qasımzadə Sonxeber.az-a açıqlama verib.

Əmlak eksperti bildirib ki, sentyabr ayından əmlak bazarın artım müşahidə ediləcək:

"Əmlak bazarında vəziyyət stabil olaraq qalır. Bu durğunluq deyil. Sadəcə yay aylarında alıcılar az olur. Bu mənzillərin satışında da fərq edir. Hazırda insanlar istirahətdə olduğuna görə, əmlak bazarında bir qədər durğunluq var. Sentyabr ayından bu sahədə artım müşahidə ediləcək. Bakıda yaşayan şəxslər bina evlərinə daha çox üstünlük verir. Alıcılardan 10 nəfərdən 8 bina evlərinə üstünlük verir. Zəlzələ hadisələrindən sonra bina evlərinə bir qədər üstünlük verildi. Amma yenədə bina evində yaşayan şəxslərin sayı daha çoxdur".

Telegramda izləyin