Universitetlərin illik təhsil haqqı niyə yüksəkdir ? - AÇIQLAMA

Azərbaycan universitetlərində təhsil alan gənclər və valideyinlər illik təhsil haqlarının yüksək olmasından narazıdırlar.

Bəs görəsən Azərbaycanda universitetlərin illik təhsil haqları niyə yüksəkdir?

Mövzu ilə bağlı Sonxeber.az -a açıqlama verən - Sosial Tədqiqatlar Mərkəzinin əməkdaşı, təhsil məsələləri üzrə mütəxəssis Elmin Nuri bildirib ki, univeristetlərdə illik təhsil haqlarının baha olmasının səbəbi onların özlərini mailiyyələşdirə bilməməsidir:

"Bu gün Azərbaycan universitetləri çox təəssüflər olsun ki, özlərini tələbələrin illik təhsil haqqından başqa mexanizimlə mailiyyələşdirə bilmir. Avropa, Amerika, Uzaq Şərq Yaponiya, Sinqapur, Cənubi Kareya universitetlərinin bir çoxu müəyyən layihələrlə, elm-təhsil-biznes üçbucağının işlək xətti ilə, laborotar imkanlarla, elmi biznes yanaşmasının gətirdiyi dividendlərlə öz büdcəsini çox yaxşı genişləndirə bilir. Bizdə isə universitetlərdə elm biznes xətti, elm və istehsalat əlaqəsi xətti və.s bu kimi detallar demək olar ki, yoxdur. Heç eşitmisinizmi bizim hansısa universitetimiz müəyyən icraat və yaxud da fərdi layihəsi hesabına öz büdcəsini məhz özü formalaşdırsın? Formalaşdırmanı bir kənara qoyaq, öz büdcəsinə özü az da olsa təsir etsin ? Mən eşitməmişəm. Bizdə universitetin baza büdcəsini ödənişli əsaslarla oxuyan tələbələrin illik təhsil haqları formalaşdırır. Bu illik təhsil haqları həmin univrsitetlərdə xərc adlı nə varsa - kommunal xərclər, avadanlıq və struktur alışverişləri, texniki, müəllim və professor heyyətinin əmək haqları, bir sözlə, maddi olan nə varsa, hamısı həmin illik təhsil haqları hesabına ödənilir. Buna görə də universitetlərdə illik təhsil haqları yüksəkdir və bu gedişlə yüksəlməyə davam edəcək".

Qeyd edək ki, Azərbaycanda dövlət universitetlərində illik təhsil haqqı 2000-6500 manat arasında dəyişir. Özəl universitetlərdə isə qiymətlər 4000-5000 manat civarındadır.

Çiçək Sadatova

Telegramda izləyin