Qatarın vurduğu qadın öldü

Zonquldakın Kilimli rayonunda demans xəstəsi Şükran Bayhan qatar vurması nəticəsində dünyasını dəyişib. Bayhanın həyatını itirdiyi qəza anının görüntüləri ortaya çıxıb. Görüntülərdə qadının müvazinətini itirərək relslərin üzərinə yıxıldığı, qatarın üstündən keçdiyi anları, mühəndislə qatar rəhbərinin zərbədən əvvəl və sonra yaşadıqları panika anları əks olunub. Maşinistlərin anasının dəmir yolunda getdiyini gördüyünü, lakin qatarı saxlamadıqlarını iddia edən Şükranın oğlu Cankut Bayhan həmin kamera görüntülərini məhkəmədən tələb edib.

Sonxeber.az türk mediasına istinadən xəbər verir ki, Zonguldakda demans xəstəliyindən əziyyət çəkən qadının qatarın vurması nəticəsində öldüyü qəzanın görüntüləri ortaya çıxıb.

Hadisə Kilimli rayonu sahil yolu ərazisində baş verib.

Kömür daşıyan yük qatarı relslərdə müvazinətini itirərək yıxılan Kilimli Xalq Təhsil Mərkəzinin keçmiş müdiri, təqaüdçü, demans xəstəsi Şükran Bayhanı vurub.

Mexanik Oğuzhan M-nin məlumatı üzərinə hadisə yerinə təcili tibbi yardım və polis sövq edilib.

İlkin müdaxilə zamanı qatarla təxminən 10 metr sürüklənən Bayhanın həyatını itirdiyi müəyyən edilib.

Qatar maşinisti O.M polis bölməsindəki ifadəsindən sonra sərbəst buraxılsa da, barəsində ehtiyatsızlıqdan ölümə səbəb olması ilə bağlı istintaq başladılıb.

Qatar kamerasına əks olunan görüntülərdə Bayhanın müvazinətini itirərək relslərə yıxılması, qatarın üstündən keçməsi, maşinistlə qatar rəhbərinin zərbədən əvvəl və sonra panikaya düşməsi görülüb.

Yerə yıxılan Şükran Bayhanı vuraraq ölümünə səbəb olan qatar maşinisti O.M.-nin ifadəsində "Qatarla 63 kilometr sürətlə tuneldən keçirdik. Qatar rəhbərimlə mən qatar yolunun kənarında bir qadının gözlədiyini gördük. Mən dayanmadan xəbərdarlıq siqnalını çalmağa başladım. Aramızda 500, 600 metr məsafə var idi. O qatar yoluna yıxıldı. Əyləci basmağa və xəbərdarlıq siqnalını çalmağa davam etdim. Bütün müdaxilələrimizə baxmayaraq, qatar dayanmadı və biz həmin şəxsi vurduq" , - deyə bildirib.

Telegramda izləyin