Sosial mediada arvadını narahat edən şəxsi döydü

Kocaelinin Gebze rayonunda F.A sosial mediada müxtəlif hesablar açaraq narahat etdiyi qadının əri və dostları tərəfindən döyülüb. Həmin anlar kameraya düşüb. F.A. və onu döyənlər saxlanılıb.

Sonxeber.az türk mediasına istinadən xəbər verir ki, hadisə ötən gün Gebze rayonu Hacı Halil məhəlləsində Şehit Numan küçəsində ərzaq satışı ilə məşğul olan mağazanın qarşısında baş verib.

F.A.-nın bir müddət əvvəl sosial media hesabından evli qadına və iki uşaq anasına sataşmağa başladığı iddia edilib.

Qadın F.A.-nın sosial media hesabını bloklayıb. Lakin F.A müxtəlif hesablar açaraq qadına sataşmağa davam edib.

Bunun üzərinə qadın başına gələnləri əri O.K. – ya deyib.

Qadın F.A – ya görüş təklif edib və görüş yerinə əri ilə dostlarını göndərib. Görüşə gələn F.A. qadının əri və dostları tərəfindən döyülüb.

Hadisəni ətarfdakılar mobil telefonun kamerası ilə çəkib və həmin anlar tez bir zamanda sosial mediada paylaşılıb.

Məlumat üzərinə bölgəyə sövq edilən polis əməkdaşları F.A. , O.K. və dostlarını saxlayıb.

OK. və dostları ifadələrindən sonra sərbəst buraxılıb. F.A.-nın isə polis idarəsində istintaqı davam edir.

Telegramda izləyin