Qəzada 8 yaşlı uşağın ölümünə səbəb olan sürücü saxlanıldı

Adanada 8 yaşlı Baran Bülgenin ölümünə səbəb olan sürücünün ifadəsində "Qardaşımın verdiyi qazlı suyu içəndə başım fırlandı, ürəyim sürətlə döyünməyə başladı. Bir anlıq huşumu itirdim" deyə bildirib.

Sonxeber.az türk mediasına istinadən xəbər verir ki, avqustun 16-da saat 20.30 radələrində Adananın Seyhan mahalı 44002 küçəsində Fırat S.-nin həddindən artıq sürət səbəbindən idarəetməni itirdiyi 01 ASN 626 nömrəli avtomobil qonşusu Zozan Bülgen (41) oğlu Baran Bülgen (8) və Perihan Bülgen (38) -i vurub.

Təcili tibbi yardımla xəstəxanaya çatdırılan yaralılardan Baran Bülgen bütün müdaxilələrə baxmayaraq xilas ola bilməyib.

Sürücü Fırat S. və yanındakı 2 qadın yaralının yaxınları tərəfindən döyülüb. Polis zərərçəkənlərin yaxınlarını ərazidən uzaqlaşdırdıqdan sonra onlar daş və dəyənəklərlə avtomobilə ziyan vurublar.

Tibbi ekspertizada aparılan incələmədən sonra Baran Bülgenin cənazəsi qohumları tərəfindən göz yaşları içində Küçükoba qəbiristanlığında torpağa tapşırılıb. Digər 3 yaralının müalicəsinin davam etdiyi bildirilib.

Həbs olunaraq həbsxanaya göndərilən Fırat S. ifadəsində bunları deyib: "Bacımla maşın sürərkən dayanıb ortaq dostumuz S.N.-ni maşına mindirdik. Bir müddət sonra qazlı içki içdiyim zaman başım fırlandı, ürəyim sürətlə döyünməyə başladı. Bir anlıq huşumu itirdim" , - deyə bildirib.

Bundan əlavə, Fırat S. ona hücum edən məhəllə sakinlərindən şikayətçi olmadığını bildirib və ifadəsini belə davam etdirib:

"Özümə gələndə tanımadığım bir qrup şəxs məni vurdu.Qəza ilə bağlı heç nə xatırlamıram.
Qəza zamanı spirtli içki və ya narkotikin təsiri altında deyildim. "Mənə hücum edən və maşınıma ziyan vuran şəxslərdən şikayətim yoxdur"

Telegramda izləyin