Film kimi cinayət

Bursada motosikletdəki iki şübhəli yoldan keçən qadının çantasını oğurlayıblar.

Sonxeber.az türk mediasına istinadən xəbər verir ki, hadisə mərkəzi Yıldırım rayonu, Yavuzselim məhəlləsi Sönməz küçəsi 8. ünvanında baş verib.

Kesteldə yaşayan K.A. Yavuzselim rayonunda yaşayan anasının yanına gəlib. Bu zaman yaxınları ilə küçədə gəzən K.A-nın (35) çantası dövlət nömrə nişanı naməlum motosikletdəki 2 şübhəli tərəfindən oğurlanıb.

Şübhəlilər hadisə yerindən qaçıb. K.A. vəziyyəti polisə xəbər verib. Xəbər üzərinə Yıldırım İlçe Təhlükəsizlik Müdirliyi və İstintaq Büro Komandirliyi əməkdaşları hərəkətə keçib. Bölgədəki bütün təhlükəsizlik kameralarını izləyən polislər qısa müddətdə şübhəlilərin şəxsiyyətlərini və motosikletin nömrəsini müəyyən ediblər. Şübhəlilərin İshak A. (19) və Necmettin E. (17) olduğu müəyyən edildikdən sonra əməliyyat başladılıb.

Daha sonra polis şübhəlilərin Səlimzadə rayonunda yaşadıqlarını müəyyən edib. Onların yaşadıqları məhəllə mühasirəyə alınıb. Polisin gəldiyini anlayan şübhəlilər paltarlarını belə geyinmədən qaçıblar. Lakin onlar qısa zamanda yaxalanıblar. Alt paltarında saxlanılan şübhəlilər ifadələri alındıqdan sonra ədliyyəyə göndərilib. Çanta və içindəki əşyalar tapılaraq sahibi K.A-ya təhvil verilib.

Hadisə ilə bağlı istintaq davam edir.

Telegramda izləyin