Stilistlə paxlava satıcısının arasında düşən davada yanan azyaşlı qız oldu

Muğlanın Bodrum rayonunda stilistlə paxlava satıcısı arasında mübahisə düşüb.

Sonxeber.az türk mediasına istinadən xəbər verir ki, mübahisə söyüş üstündə düşüb.

Mübahisə sonradan davaya çevrilib. Bu zaman stilist paxlavaçının kürəyinə isti qəhvə töküb. Tökülən qəhvənin bir hissəsi dükandakı balaca qızın üzünə dəyib. Azyaşlı qızın üzü yanıb.

Hadisədən sonra səsləri eşidib mağazanın qarşısına gələn stilistin həyat yoldaşı ilə paxlava satıcısı arasında dava düşüb.

Dava zamanı uçan təpik atan bərbərin həyat yoldaşı yerə yıxılıb. Dava ətrafdakıların müdaxiləsi ilə başa çatıb. Baş verənlər təhlükəsizlik kamerasına əks olunub. Tərəflərin bir-birindən şikayət etmədiyi bildirilib.

Telegramda izləyin