"Bilik Günü"ndə şagirdlər sadəcə bir ədəd qızılgüllə məktəbə getsin" - Sosioloqdan TƏKLİF

"Bilik Günü" ilə bağlı olaraq gül buketlərinin qiymətində bahalaşma müşahidə olunur. İki gün sonra zibil qutusuna gedəcək gül buketlərinə çox pul vermək israf deyilmi?

Mövzu ilə bağlı Sonxeber.az-a danışan sosioloq Lalə Mehralı bildirib ki, "Bilik Günü" ilə bağlı olaraq, gül bazarında qiymət artımı müşahidə olunur:

"Adi günlərdən fərqli olaraq, "Bilik Günü"ndə gül buketləri iki-üç qat artıq qiymətə təqdim olunur. Satıcılar il boyu az qazanc əldə etdikləri üçün xüsusi günlərdə və bayramlarda qiymətləri artıraraq zərərlərini kompensasiya etməyə çalışırlar. Valideynlər düşünürlər ki, buket almaqla müəllim övladlarına yaxşı təhsil verəcək. Hədiyyə və buketin müəllimlərin mənəviyyatına və təhsil vermə səviyyəsinə heç bir təsir göstərməməlidir. Müəllim aldığı hədiyyəyə görə şagirdlər arasında fərq qoymamalıdır. Mən "Bilik Günü"ndə şagirdlərin bir ədəd qızılgüllə məktəbə getməsinin tərəfdarıyam".

Fəxriyyə Adil

Telegramda izləyin