Dilan Polat həbsxanada içdiyi qəhvədən danışdı - VİDEO

Ötən ilin noyabrında çirkli pulların yuyulması və vergidən yayınma ittihamı ilə həbs edilən və avqustda azadlığa çıxan Dilan Polat həbsxanada keçirdiyi günlərdən danışıb.

Sonxeber.az türk mediasına istinadən xəbər verir ki, instaqram hesabından aktiv istifadə etməyə başlayan Dilan Polat izləyicilərinin verdiyi sualları cavablandırıb.

O həbsxanada içdiyi qəhvənin dadının yaxşı olmadığını bildirib. Əvvəllər qızıl tozu ilə türk qəhvəsi içməklə diqqət çəkən Polat türk qəhvəsinə aludəçiliyi ilə tanınırdı. "Həbsxanadakı qəhvə çox fərqli idi. Biz ilk gedəndə türk qəhvəsi yox idi. Sonra gətirdilər, stəkana toz, üzərinə su tökürsən, qarışdırırsan, olur qəhvə" , - deyə bildirib.

İzləyicilərinə ürəyini açan Dilan Polat dizinin qapağındakı çapığı göstərərək, "Bir gün vəkil otağında huşumu itirib yıxıldım. Bu onun izidir. Danışacaq çox şey var. Amma hazırda bu məsələ ilə bağlı heç nə danışmaq istəmirəm. İndi qızımın yanındayam. Orda olanda həmişə Milanı məktəbə yazdıracağımı xəyal edirdim Allaha min dəfə şükürlər olsun ki, indi burdayam" , - deyə əlavə edib.

Telegramda izləyin