15 yaşlı qız anasını və ögey atasını güllələdi

ABŞ-da 15 yaşlı Karli Qreq anasını öldürməkdə və ögey atasını yaralamaqda ittiham olunur.

Sonxeber.az türk mediasına istinadən xəbər verir ki, hadisə baş verən gün çəkilmiş təhlükəsizlik kamerası görüntülərində Qreqin anasını vurduqdan dərhal sonra mətbəxdə sakitcə gəzdiyi və telefonuna baxdığı görünür. İddiaya görə, Qreq anasını üzündən güllə ilə vurub, sonra ögey atası Hiti evə çağırıb.

Hit evə gələndə arvadının meyitini görüb və Qreq onu da güllələyib.

Məhkəmədə Qreqin narkotik istifadə etdiyi və psixi sağlamlıq problemləri üçün dərman qəbul etdiyi də məlum olub. Qətl, adam öldürməyə cəhd və dəlilləri yox etmək ittihamları ilə mühakimə olunan Qreqi günahı sübuta yetirilərsə, ömürlük həbs cəzası gözləyir.

Telegramda izləyin