Qadın polisi öldürən şəxs məhkəməyə zibil torbasında gətirildi

Dünən Türkiyədə polis "motosiklet oğurluğu" cinayəti ilə axtarılan və qaçan şübhəlinin tutulması üçün əməliyyat başladıb.

Sonxeber.az türk mediasına istinadən xəbər verir ki, axtarışda olan 19 yaşlı Yunus Emre Geçtinin İhlamurkuyu rayonunda olduğu müəyyənləşdirilib. Polis hadisə yerinə gedən zaman şübhəli ilə silahlı qarşıdurma baş verib. Belə ki, Yunus Emre Geçti polis məmurunun silahını götürərək ətrafa və polis əməkdaşlarına atəş açıb.

Qadın polis məmuru Şeyda Yılmaz (27) şübhəliyə cavab atəşi versə də ağır yaralanıb. Şübhəli Yunus Emre Geçtinin anası P.G. (43) və polis məmuru Kürşat Hakkı Sarıtepe də hadisə zamanı yaralanıb. Yaralılara ilkin tibbi yardım göstərildikdən sonra xəstəxanaya aparılıblar. Lakin polis məmuru Şeyda Yılmaz bütün müdaxilələrə baxmayaraq xilas ola bilməyib və şəhid olub.

Hadisədən qısa müddət sonra polis tərəfindən tutulan Yunus Emre Geçti haqqında "qəsdən adam öldürmə" və "qəsdən yaralama" cinayətləri ilə bağlı istintaq başladılıb.

Daha sonra şübhəliyə zibil paketi geyindirilib və qadın polislər tərəfindən heyvanlar üçün nəzərdə tutulan maşınla məhkəməyə aparılıb.

Telegramda izləyin