İşlədiyi bankdan 8,2 milyon avro oğurllayıb avtobusla qaçdı

Bremendə 31 yaşlı Yasemin G. 8,2 milyon avro oğurlamaqda ittiham edilərək yenidən saxlanılıb.

Sonxeber.az türk mediasına istinadən xəbər verir ki,Yasemin G. Bremendə yerləşən "Loomis" nağd pul əməliyyatı şirkətində işləyərkən seyfə qoymalı olduğu pulu zibil qabında gizlədib. Daha sonra pulla mikroavtobusa minərək qaçıb. Oğurluqdan sonra Türkiyəyə gedib və yoxa çıxıb.

Türkiyədə dəbdəbəli otellərdə qalan Yasemin G. beynəlxalq müstəntiqlər və detektivlər tərəfindən izlənilib. Lakin 1033 gün davam edən axtarış zamanı onu yaxalamaq mümkün olmayıb. 2024-cü ilin martında - üç ildən sonra o, könüllü olaraq Bremen polisinə təslim olub.

Təslim olduqdan sonra şərti azadlığa buraxılan Yasemin G.-dən mütəmadi olaraq polisə ifadə verməsi və şəhəri tərk etməməsi tələb edilib. Lakin onun üzərində etibarlı pasport olduğu müəyyən edildikdən sonra yenidən saxlanılıb. Vəkili Carsten Scheuchzer, müvəkkilinin yeni iş və həyat qurmaq üçün şəxsiyyətini təsdiq edən sənədləri saxladığını bildirib.

Yasemin G. noyabrın 12-də oğurluq və sənəd saxtakarlığı ittihamı ilə mühakimə olunacaq. Onun ortaqlarından Büşra S. 2022-ci ildə 3 il müddətinə azadlıqdan məhrum edilib.

Telegramda izləyin