Diş həkimi məşhur modelin başına görün nə oyun gətirdi

Rumıniyada məşhur model Stefaniya Kostaçe -nin müalicə üçün getdiyi diş həkimi tərəfindən təcavüzə uğrayıb.

Sonxeber.az xarici mediaya istinadən xəbər verir ki, 240 min izləyicisi olan Kostaçe diş problemlərinə görə sosial mediadan tapdığı həkim Kostin İulian Bereçet ilə əlaqə saxlayıb. O modeldən müalicə qarşılığında instagramda onu reklam etməyini istəyib.

Həkim yanına müalicə üçün gələn Kostaçeyə narkotik verib, onu evinə aparıb və təcavüz edib. Model səhəri gün diş həkiminin evində yuxudan oyananda vəziyyəti anlayıb.

Kostaçe başına gələnləri paylaşaraq polisi səfərbər edib. Buxarest Rayon Məhkəməsində aparılan işdə həkim təqsirli bilinərək 10 il müddətinə azadlıqdan məhrum edilib. Ona həmçinin həbsxanadan çıxdıqdan sonra 5 il ərzində stomatologiya ilə məşğul olmamaq və 40 min funt sterlinq təzminat ödəmək cəzası verilib.

Bu hadisə sosial media vasitəsilə edilən iş təkliflərinə və potensial təhlükələrə qarşı diqqətli olmağın zəruriliyini ortaya qoyur. Səlahiyyətli şəxslər vurğulayır ki, oxşar hallarla qarşılaşan insanlar dərhal polisə müraciət etməlidirlər.

Telegramda izləyin