Film kimi hadisə: Okeanın ortasında 76 gün tək qalan adamı balıqçılar xilas etdi

Sizcə, dənizin ortasında bir qayıqda 76 gün tək yaşaya bildinizmi? Yalnız filmlərdə görə bildiyimiz bu hekayəni Steve Kallahan adlı bir adam möcüzəvi xilas hekayəsi ilə yaşadı. Bəs sizcə o necə sağ qaldı? Eşidənlərin inana bilmədiyi cavab budur...

Sonxeber.az xarici mediaya istinadən xəbər verir ki, 1981-ci ildə amerikalı dənizçi Stiv Kallahan "Napoleon Solo" adlı bir qayıq dizayn edib düzəltdi və o, 6,5 metrlik qayığı ilə Kanar adalarından Karib dənizinə tək üzüb.

Lakin səyahətinin ilk həftəsində onun qayığı naməlum obyektlə – ola bilsin ki, köpək balığına və ya balinaya – toqquşub və qayığı batmağa başlayıb. Kallahanın batmaqda olan qayığından sadəcə xilasetmə avadanlığını almağa vaxtı var idi.

Bu avadanlıqa altı metrlik xilasedici qayıq daxildir. Kallahan: "Mən çarpayımda yatırdım və birdən üstümə su töküldü. Anladım ki, qayıq sürətlə batırdı", - deyə xatırlayır.

"Gəmi demək olar ki, tamamilə su altında qaldı, mən dəfələrlə suyun altına girdim və xilasetmə avadanlıqlarını çıxardım".

Atlantik Okeanının ortasındakı sahildən 800 mil uzaqlıqda olan Kallahanın məhdud qida və içki ehtiyatı var idi. O, sağ qalmaq üçün nizə ilə balıq tutdu və günəş işığından istifadə edərək içməli su əldə etməyə çalışdı.

Düz 76 gündən sonra o, Mari-Qalante adası yaxınlığında balıqçılar tərəfindən görünüb və xilas edilib. O vaxta qədər o, bədən çəkisinin üçdə birini itirmişdi və bərpası həftələr çəkdi. Mübarizəsinin reallığı ilə bağlı çox çaşqın olduğunu izah edərək, "Mən kimsənin orada olduğuna inana bilmədim" dedi.

"Yaşamağımda nəcib bir şey yox idi, sadəcə bunu etdim. Yarımçıq işim var idi və deyəsən, bu, məni yaşatdı." Stiv Kallahan bu inanılmaz sağ qalma hekayəsini "Dənizdə İtirilmiş Yetmiş Altı Gün" kitabında yazıb. Kitab New York Times bestseller siyahısına düşüb.

Vüsalə İbrahimli

Telegramda izləyin