İctimai avtobusda bıçaqla hücuma məruz qalan gənc dünyasını dəyişib

Son günlər Türkiyədə zorakılıqlar artarkən Kocaelinin Karamürsel rayonunda dəhşətli qətl hadisəsi törədilib. Şəxsi ictimai avtobusda hərəkət edən 29 yaşlı Enes Yiğit Toraman şəxsiyyəti hələlik müəyyən edilməyən şəxs tərəfindən bıçaqla hücuma məruz qalıb.

Sonxeber.az xarici mediaya istinadən xəbər verir ki, Kocaelinin Karamürsel səmtində xüsusi dövlət avtobusunda sərnişinlərin gözü qarşısında bıçaqla hücuma məruz qalan şəxs həyatını itirib. Əldə edilən məlumata görə, hadisə axşam saat 21:00 radələrində Karamürseldən İzmitə gedən xüsusi ictimai avtobusda baş verib. 4 İyul səmtində avtobusa minən və şəxsiyyəti hələlik məlum olmayan şəxs avtobusda Enes Yiğit Toramana bıçaqla hücum edib.

Sərnişinlərin gözü qarşısında bıçaqla Toramana dəfələrlə xəsarət yetirən şübhəli arxa qapıdan çıxaraq qaçıb. Sərnişinlərin xəbəri üzərinə bölgəyə sağlamlıq və polis qrupları sövq edildi. Təcili yardımla Karamürsel Dövlət Xəstəxanasına aparılan şəxsi bütün müdaxilələrə baxmayaraq xilas etmək mümkün olmayıb.

Digər tərəfdən, qətl anı avtobusun təhlükəsizlik kamerası tərəfindən saniyə-saniyə qeydə alınıb. Görüntülərdə avtobus dayanacağında avtobusa minən şübhəlinin oturmaq istəyərkən qəfil arxaya doğru getməsi və Toramana çoxsaylı bıçaq zərbələri vurması əks olunub. Sərnişinlər təşviş içində qaçırlar. Kocaeli Təhlükəsizlik Müdirliyi qrupları hadisə yerindən qaçan şübhəlinin tutulması üçün əməliyyat başlatdı.

Vüsalə İbrahimli

Telegramda izləyin