Ailəsi öldüyünü düşünsün deyə özünə oxşayan bloggeri öldürdü

Almaniyada 25 yaşlı Şəhrəban K. özünə oxşayan 23 yaşlı blogger Xədicə.O-nu öldürməkdə ittiham olunur.

Sonxeber.az xarici mediaya istinadən xəbər verir ki, hadisə İnqolştadtda baş verib.

Şəhrabanın ailəsi qızlarının avtomobilində meyit tapıb. Lakin cəsədin onların qızına deyil, başqasına aid olduğu tezliklə anlaşılıb. Polis ertəsi gün Şahrabanı həbs edib.

Prokurorların sözlərinə görə, Şahraban sosial şəbəkədə özünə bənzəyən qadın axtarıb və tapdığı Xədicəni saxta klip layihəsi ilə aldadıb. Görüşdükdə qurbanı kimsəsiz yerə apararaq ona 56 bıçaq zərbəsi vurub. Məqsədi özünü ölmüş göstərib yeni həyata başlamaq idi.

Lakin hadisənin arxasında qara cadunun ola biləcəyi iddia edilir. Avtomobildə tapılan ərəbcə qeyd və fotoşəkillər bu istiqamətdə şübhələri artırır.

Məhkəmədə 190-dan çox şahid dinləniləcək. Səlahiyyətlilər cadu iddialarını araşdırmaq üçün ekspertə müraciət ediblər. Prokurorlar qətlin planlı və qəddar xarakter daşıdığını qeyd edirlər.

Şahraban ittihamların heç birinə münasibət bildirməyib.

Telegramda izləyin