Təcili tibbi yardım maşının önünü kəsib sürücünü vəhşicəsinə döydülər

Bursada tekstil sənayesində çalışan ata və oğul infarkt keçirən xəstəni xəstəxanaya aparmaq istəyən təcili yardımın qarşısını kəsiblər.

Sonxeber.az türk mediasına istinadən xəbər verir ki, hadisə ötən gün saat 20:00 radələrində Gebze-Orhangazi-İzmir avtomobil yolunda baş verib.

İnfarkt keçirən 80 yaşlı N.G. adlı qadın xəstənin Gəmlik Dövlət Xəstəxanasından Bursa Şəhər Xəstəxanasına aparıldığı təcili tibbi yardım maşını təhlükəsizlik zolağında irəliləyərkən arxadan gələn avtomobilin sürücüsü onun yolunu kəsib.

Təcili tibbi yardım maşınının sürücüsü Məhəmməd Əli Karasulu avtomobilə yol verib.

İddialara görə, avtomobildə tekstil firmasının sahibi S.Y. və oğlu M.Y. maşınları ilə təcili yardımın qarşısını kəsiblər.

Karasulu ata və oğluna infarkt keçirən xəstəni daşıdığını deyib.

Tərəflər arasında mübahisə yaranıb. Ata və oğul təcili tibbi yardım sürücüsünü döyüb hadisə yerindən qaçıblar.

Karasulu döyülmə nəticəsində ağır yaralanıb. Onun dodağında 10 tikiş atıblar.

Hadisə ilə bağlı istintaq başladılıb. Şübhəlilər axtarılır.

Telegramda izləyin