Yeni kəşf edilən əqrəb növünə həyat yoldaşının adını verdi

Konyanın Beyşehir rayonundakı Qırmızı Şam meşələrində Türkiyəyə xas olan yeni əqrəb növü aşkar edilərək ədəbiyyata daxil edilib. Bu yeni növ "Euscorpius gulhanimae" adlandırıldı. 21 ildir ki, Türkiyədə əqrəblərlə bağlı araşdırmalar aparan prof. Dr. Ersen Aydın verdiyi dəstəyə görə əqrəbin yeni növünə həyat yoldaşı Gülhanım Yağmurun adını verib. Prof. Dr. Yağmur aşkarlanan növün insan sağlamlığı üçün təhlükə yaratmadığını bildirib.

Sonxeber.az xarici medaya istinadən xəbər verir ki, 21 ildir Türkiyə və ətraf ölkələrin əqrəbləri ilə bağlı araşdırmalar apardığını bildirən Prof. Dr. Yağmur, "Tədqiqat işlərim zamanı təsvir etdiyim bu yeni növlə Konya vilayətinin Beyşehir rayonundakı Dədəgöl dağının ətəyində və Beyşehir gölündəki Hacıakif adasında rastlaşdım.

"Araşdırmalarım nəticəsində onun Euscorpius cinsinə aid olduğunu, lakin yeni, təsvir olunmamış bir növ olduğunu müəyyən etdim. Hazırda yalnız bu ərazidə tanınır. Bu yeni növ bütün məlum növlərindən fərqlənir" - dedi.

Prof. Dr. Yağmur kəşf etdiyi növə "Euscorpius gulhanimae" adını verərək, onu həyat yoldaşı Gülhanım Yağmura ithaf edib. Prof. Dr. Yağmur əlavə edib ki, "Euscorpius gulhanimae" növünün zəhəri təsirli deyil və insan sağlamlığı üçün təhlükə yaratmır.

Aşkar edilən əqrəb növü Alaşehir Peşə Məktəbi Muzeyində sərgilənir.

Vüsalə İbrahimli

Telegramda izləyin