Arvadını boynundan güllə ilə vuran kişi saxlanıldı

Kocaelidə Tuncay Ateş (45) adlı kişi mübahisə zəminində həyat yoldaşı Semira Ateşin (39) boynuna silahla atəş açıb.

Sonxeber.az türk mediasına istinadən xəbər verir ki, hadisə ötən gün saat 23:00 radələrində Çayırova rayonunda baş verib. Qonşuların məlumatı üzərinə hadisə yerinə polis və təcili tibbi yardım cəlb edilib. Ağır yaralanan Semira Ateş xəstəxanaya aparılıb. Şübhəli şəxs maşını ilə təcili tibbi yardımın arxasınca düşüb. O xəstəxananın qarşısında polis qrupları tərəfindən saxlanılıb.

Semira Ateşin səhhətinin ağır olduğu bildirilib.

Hadisə ilə bağlı başladılan istintaq davam edir. Qeyd edək ki, cütlüyün iki övladı var.

Telegramda izləyin