Qızını öldürmək üçün qatil tutdu, öz canından oldu

Hindistanın Uttar Pradeş ştatında baş verən hadisələr ailə münaqişələrinin və yanlış qərarların necə faciəvi nəticələrə səbəb ola biləcəyini ortaya qoydu.

Sonxeber.az xarici medaya istinadən xəbər verir ki, orta yaşlı ana olan Alka Devi qızının eşq həyatından narahat olduğu üçün radikal qərar verib. Qızını məhv etmək üçün bir qatil tutmaq qərarına gəldi.

Bu məqsədlə Alka Sübhaş adlı şəxsdən yardım alaraq, ona külli miqdarda pul təklif edib. Lakin taleyin bir dönüşü Alkanın planlarını alt-üst etdi. Çünki Sübhaş Alkanın qızının gizli sevgilisi idi və Alkanın bu vəziyyətdən xəbəri yox idi, vəziyyəti öyrənən Sübhaş dərhal Alkanın qızı ilə əlaqə saxladı. İkisi bu təhlükəli planı öyrəndikdə şoka düşdülər və əks hərəkət etmək qərarına gəldilər. Onlar birlikdə Alkanı məhv etmək üçün plan hazırladılar. Oktyabrın əvvəlində Alkanın cəsədi Uttar Pradeş ştatının Etah rayonunda darı tarlasında tapıldı. Aparılan araşdırmalar nəticəsində qadının boğularaq öldürüldüyü müəyyən edilib. Polisin araşdırması nəticəsində həm Alkanın qızı, həm də Sübhaş həbs edilib.

Vüsalə İbrahimli

Telegramda izləyin