Qazılan məzarda qara torbada daha iki nəfərin sümükləri tapılıb

İzmirin Buca rayonunda açılan məzarda məzar sahibindən başqa iki nəfərin sümükləri tapılıb. Sümüklər şəxsiyyətinin müəyyən edilməsi üçün İstanbul Ədli Tibb Qurumuna göndərilib.

Sonxeber.az xarici mediaya istinadən xəbər verir ki, əldə edilən məlumata görə, oktyabrın 4-də dünyasını dəyişən Kübra Küntaşın cənazəsi ailəsi tərəfindən Köhnə Buca qəbiristanlığında, 45 il əvvəl dünyasını dəyişən babası Nurəddin Küntaşın məzarı yanında dəfn olunmaq istəmişdi. Nurəddin Küntaşın cəsədi tapılmadan əvvəl dəfn prosedurları zamanı açılan məzarda qara torbaya qoyulmuş insan sümükləri tapılıb.

Ailə yaxınları sümüklərin mərhuma aid olmadığını dedikdən sonra çantadakı sümük parçaları səlahiyyətlilər tərəfindən İzmir Qəbiristanlıqlar Müdirliyinin məzarlığına aparılıb.

İzmir Böyükşəhər Bələdiyyəsi Qəbiristanlıqlar İdarəsi vəziyyətlə bağlı məlumat verdikdən sonra məzar İzmir Respublika Baş Prokurorluğu tərəfindən araşdırılıb. İki nəfərə aid olduğu təsbit edilən sümüklər şəxsiyyətinin müəyyən edilməsi və DNT tiplənməsi üçün İstanbul Ədli Tibb Qurumuna göndərilib.

Vüsalə İbrahimli

Telegramda izləyin