59 yaşlı DJ 10 gün dayanmadan işləyib REKORDÇU oldu

Təxminən 10 il əvvəl polşalı DJ Norberto Loko klubda 200 saat dayanmadan işləyərək Ginnes rekordu müəyyənləşdirmişdi. Məlum olub ki, bu son hədd deyil.

Sonxeber.az Lent.az-a istinadən xəbərinə görə, əsl adı Fabrizio Morero olan Faber Moreira ondan 44 saat daha çox dayana bilib və yeni rekord vurub.
Beləliklə, hazırkı dünya rekordu 10 gün 4 saatdır.

İtaliya sakini mayın 15-də Saluzzo şəhərində yerləşən klublardan birində rekord qırmağa başlayıb.

Səhnədə, DJ-in işi üçün lazım olan hər şeydən əlavə, çarpayı da olub, qısa fasilələr zamanı rekordçuya uzanmağa icazə verilib. DJ fəaliyyətinin hər saatı üçün 5 dəqiqə fasilə götürərək, gün içində cəmi 2 saat dincəlib.

Moreiranı izləyən şahidlər onu oyaq saxlamaq üçün üzünə buzlu su çiləyiblər.

DJ bu müddətdə qəhvə, siqaretdən imtina edib.

Telegramda izləyin