Bir ildir şəxsi məlumatları ilə təhdid edilən qız dövlət himayəsinə alındı

Şəxsi foto və videoları ilə təhdid edildiyini bildirən F.A adlı qız sosial şəbəkədə paylaşdığı video ilə kömək istəyib.

Sonxeber.az türk mediasına isttinadən xəbər verir ki, Ordu Universitetində oxuduğunu bildirən gənc qızın lentə aldığı videoda dedikləri qan dondurub. F.K cinsi təcavüzə, şantaj və təhdidlərə məruz qaldığını, dələduzluq ittihamı ilə üzləşdiyini iddia edib. O, səlahiyyətlilərdən kömək istəyib.

Gənc qız İstanbul səfərində iki qız və iki oğlan tərəfindən hədələndiyini və şantaj edildiyini bildirib. Zorlandığını və həmin anların videoya çəkildiyini deyən F.A bu videolarla təhdid edildiyini açıqlayıb.

O qeyd edib ki, bu hadisələrə görə bir il susub, lakin daha dözə bilmir.

Mövzu ilə bağlı açıqlama verən Daxili İşlər Naziri Ali Yerlikaya "18.10.2024-cü il tarixində sosial şəbəkədə video yayımlayan F.A adlı qızımızla əlaqə saxlanılıb. 18.10.2024-cü il tarixində Karabük Valiliğimizin koordinasiyasında, İl Təhlükəsizlik Müdirliyi və Ailə və Sosial Xidmətlər İl Müdirliyi ilə birlikdə çalışdıq və qızımızın təhlükəsizliyini təmin etdik. Qızımız dövlətimizin himayəsindədir. Onun məhkəmə binasında "Məhkəmə Müsahibə Otağı"nda psixoloqun müşayiəti ilə ifadəsi alınıb. İddialarla bağlı ətraflı araşdırmalar davam edir. Hadisə ilə bağlı əlavə məlumat veriləcək", - deyə o bildirib.

Telegramda izləyin