Paraşütü açılmayan qadın yerə çırpılaraq dünyasını dəyişib - VİDEO

Braziliyada kədərli qəza baş verib. 40 yaşlı təcrübəli paraşütçü Karolina Munoz Kennedi həm əsas, həm də ehtiyat paraşütləri açılmadğı üçün dünyasını dəyişib.

Sonxeber.az xarici mediaya istinadən xəbər verir ki, hadisə Boituva şəhərində baş verib. Kennedinin son sıçrayışını əks etdirən kadrlarda paraşütçünün nəzarətsiz şəkildə fırlanaraq yıxıldığı görünür. Ehtiyat paraşütü açılmayanda o, sürətlə yerə çırpılıb. Dərhal hadisə yerinə təcili yardım qrupları gəlsə də, xəstəxanaya aparılan Kennedini xilas etmək mümkün olmayıb.

Çilili olan və beş il Braziliyada yaşayan Kennedi təcrübəli paraşütçü idi. O, 2013-cü ildən bu idman növü ilə məşğul olub. O, həm də fizioterapevt və şiroterapist kimi işləyirdi. Qəza günü o, bir neçə uğurlu tullanış etmişdi və bu, onun sonuncu atlaması olacaqdı.

Polis hadisəni araşdırmaq üçün Kennedinin istifadə etdiyi paraşüt avadanlığını müsadirə edib. Braziliya Paraşüt Federasiyası da qəza ilə bağlı ayrıca araşdırmaya başlayıb.

Vüsalə İbrahimli

Telegramda izləyin