Ondan boşanmaq istəyən arvadını qaçırmağa çalışdı - VİDEO

Adananın mərkəz Seyhan rayonunda boşanma prosesində olan arvadını qaçırmağa cəhd edən şəxs tutulub.

Sonxeber.az xarici mediaya istinadən xəbər verir ki, bir uşaq anası olan 25 yaşlı İ.Selin 3 ay əvvəl 30 yaşlı əri İ.Koray tərəfindən zorakılığa məruz qaldığını əsas gətirərək evdən çıxıb və ailəsi ilə birlikdə Bahçeşehir rayonunda məskunlaşıb. Bazara gedən arvadını qaçırmağa çalışan İ.Koray müqavimət göstərən qadını döyməyə başlayıb.

Həyat yoldaşından ayrılmaq üçün məhkəməyə müraciət edən İ.Selin bazara getmək üçün küçəyə çıxarkən başqasının idarə etdiyi yüngül ticari avtomobillə arxadan gələn əri tərəfindən qaçırılmağa cəhd edilib. Qadın müqavimət göstərdikdən sonra İ.Koray avtomobilə minərək hadisə yerindən qaçıb. Daha sonra İ.Selin polisə zəng edərək kömək istəyib.

Bunun üzərinə Seyhan İlçe Təhlükəsizlik Müdirliyi qrupları İ.Korayın tutulması üçün araşdırma başladıb. Polis qrupları, etdikləri işlərlə şübhəli İ.Korayı tutub. Həyat yoldaşını öldürməklə hədələdiyi iddia edilən şübhəli polis bölməsindəki əməliyyatlardan sonra sövq edildiyi ədliyyənin növbətçi hakimi tərəfindən həbs edilib.

Vüsalə İbrahimli

Telegramda izləyin