"Qərb dairələri tərəfindən Ermənistanı sülh yolundan daşındırmaq üçün müxtəlif planlar qurulur" - DEPUTAT

"Dünən, oktyabrın 30-u səhər saatlarında Laçın rayonunun Fətəlipəyə kəndi ilə sərhədə, Gorus rayonu Kornidzor kəndi ərazisində yerləşən yolun üzərinə, Gorus rayonu Kornidzor kəndi istiqamətindən Aİ-yə məxsus 2 ədəd "Toyota" markalı minik avtomobili və Ermənistana məxsus 1 ədəd "Niva", 1 ədəd "Uaz Patriot" markalı minik avtomobilləri gəlib. Oktyabrın 29-da isə Zəngilanla sərhəddə yerləşən Ermənistanın Nerkin Hand kəndi yaxınlığına üzərində Fransa bayrağı dalğalanan avtomobildə "müşahidəçilər"in gətirilməsinə dair video yayılmışdı".

Bununla bağlı Sonxeber.az-a deputat Şahin Seyidzadə bildirib.

Deputat qeyd edib ki, Ermənistanda revanşist qüvvələrə dəstək verən və yeni müharibəyə sövq edən Fransanın regionda sülh prosesinə zərbə vurmaq istiqamətində bir addımıdır:

"Son zamanlar bu xəttə fərqli elementləri daxil etməyə yönələn cəhdlər var. İndiyədək "müşahidəçilər" Avropa Birliyinə məxsus avtomobillərdə hərəkət etdiyi halda, bu gün sərhədə gələn 3 avtomobildən birinin üzərində Fransa bayrağı dalğalanıb. Azərbaycan dövləti Avropa İttifaqının Azərbaycan–Ermənistan şərti sərhədindəki mülki müşahidə missiyasına yönəlməsi əslində, həmin fərqli elementlərin qeyri-məqbulluğunun vurğulayır, mövcud istiqamətdə, bir növ, immunitet yaradır.

Artıq Avropa İttifaqının sərhəd missiyasının Ermənistan tərəfdən Azərbaycan sərhədi yaxınlığında fəaliyyət göstərməyinə ehtiyac yoxdur. Qərb dairələri tərəfindən Ermənistanı sülh yolundan daşındırmaq üçün müxtəlif planlar qurulur. Sanki, özünün avantürizmi üçün tutacaq yer axtarır. Belə axtarışların nəticəsidir ki, altı ildir Cənubi Qafqazda sülh şəraiti qərarlaşmır.

Aydındır ki, qeyri-səmimi mühit və gərginlik doğuracaq faktorlar qaldıqca, Bakı və İrəvan arasında sülhün real məcraya qədəm qoymasını mümkünsüzə çevriləcək. Bundan itirən tərəfin isə Ermənistan olacağı şübhəsizdir".

Telegramda izləyin