Bəy toyunda şadlıq sarayına motosiklet ilə daxil oldu - VİDEO

Adanada ailə quran cütlük şadlıq sarayında çadır qurub toya motosikletlə gəlib.

Sonxeber.az türk mediasına istinadən xəbər verir ki, motosiklet həvəskarı Doğan Mövlud (31) və Feyza Esra Cansız (27) bir-birini sevərək evləniblər.

Cütlük ötən gün şadlıq sarayının ortasında çadır qurub. Gəlin çadırın ortasında oturub. Daha sonra motosikletlə şadlıq sarayına daxil olan bəy həyat yoldaşı Feyza Esranın ətrafında gəzib.

Doğan Mövlud: "10 ildir motosiklet sürürəm. Motosiklet sürmək mənim ən sevimli vərdişimdir. Həyat yoldaşımla tanış olanda o, motosikletə qarşı idi, amma indi birlikdə səyahət edirik", - deyə bildirib.

Feyza Esra: "Gözəl yerlərə getmək, birlikdə düşərgə etmək istəyirik. Əvvəlcə motosikletlə ölkəmizi gəzmək, sonra xaricə çıxmaq və dünyanı gəzmək istəyirik. Toyda da belə bir konsepsiya yaratdıq. Çox əyləndik və bizim üçün bu, xəyallarımızı əks etdirən bir şey idi" , - deyə bildirib.

Telegramda izləyin