Divara yapışdırılmış banan 6,2 milyon dollara satılıb - VİDEO

İtalyan rəssam Mauritsio Kattelanın 2019-cu ildə Art Basel Mayami çimərliyində sərgilənərkən sənət dünyasını ikiyə bölən "Komediyaçı" adlı divara yapışdırılmış banan əsəri hərracda rekord qiymətə satılıb.

Sonxeber.az xarici mediaya istinadən xəbər verir ki, Sothebys-də böyük marağa səbəb olan əsər üçün hərrac 800 min dollardan başlayıb. Bir neçə dəqiqə ərzində əsərin qiyməti 2 milyon dollara, daha sonra isə 4 milyon dollara yüksəldi. Hərrac meneceri Oliver Berker satış zamanı "Bu fürsəti qaçırmayın, əvvəllər bu sözləri deyəcəyimi heç düşünməmişdim: Beş milyon dollara bir banan!" - deyərək zaldakı həyəcanı artırdı.

TRON kriptovalyuta platformasının qurucusu Castin Sun təxminən 5,2 milyon dollarlıq təkliflə divara yapışdırılmış bananın sahibi oldu. Bananı almaq üçün Sun təklifinə əlavə olaraq 1 milyon dollarlıq hərrac komissiyası ödəyib və ümumilikdə 6,2 milyon dollar qazanıb. Sun, bananın fiziki formasından çox, "Komediyaçı" adı altında divara yapışdırılmış bananı nümayiş etdirməyə imkan verən "orijinallıq sertifikatı" aldı.

Satışdan sonra açıqlama verən Sun əsərin sənət, internet yumoru və kriptovalyuta dünyasını bir araya gətirən mədəni bir fenomen olduğunu bildirib. O, bir neçə gün ərzində bananı özü yeyərək işin tamamlanacağını "unikal sənət təcrübəsi" kimi bəyan edib.

2019-cu ildə "Art Basel Miami Beach" sərgisində böyük əks-səda yaradan əsər 120 min dollara satılıb. Əsər sərgilənərkən gürcü əsilli amerikalı ifaçı Devid Datuna "Sənət ifası... Ac artist..." deyərək əsəri divardan qoparıb yeyib. Əsəri yeməzdən əvvəl aclıq hiss etmək üçün 2 saat gözlədiyini bildirən Datuna, "Bu banan deyil. Konseptdir. Rəssamın konseptini yedim" - dedi.

Vüsalə İbrahimli

Telegramda izləyin