Azərbaycanda qaz limiti ləğv olunacaqmı? - AÇIQLAMA

Qış aylarında havaların soyuması ilə əlaqədar qaz istehlakı artdığına görə onun qiyməti ilə bağlı müzakirələr də aktuallaşır. Son günlərdə cəmiyyətdə, sosial şəbəkələrdə əhali seqmenti üzrə işlədilən qazın qiyməti ilə bağlı aparılan müzakirələrdə də əsasən limit məsələsi gündəmə gətirilir və müxtəlif təkliflər səsləndirilir.

Bəs görəsən Azərbaycanda qaz limiti ləğv oluna bilərmi?

Mövzu ilə bağlı iqtisadçı Xalid Kərimli Sonxeber.az – a açıqlama verib:

"Bu növbəti il üçün real deyil. Əgər limitlər ləğv olunsa, qiymətlər də artacaq. Tarifləri bu formada ona görə müəyyənləşdiriblər ki, evi kiçik olan, az imkanılı şəxslər qənaət etsin və az tariflə ödəsin. Evi geniş olan, imkanlı şəxslər isə yüksək tariflə. Əgər limit ləğv olunsa, aşağı və yuxarı arasında bir tarif müəyyənləşəcək. Onlar toplanacaq və bir orta tarif çıxarılacaq. Onda isə aşağı limitlə qaz istifadə edən vətəndaşlar uyğunsuz mövqeyə düşəcək və daha çox ödəməli olacaqlar. Qısaca, varlıların borcunun bir qismini kasıblar ödəyəcək".

Çiçək Sadatova

Telegramda izləyin