"Andjey Dudanın Azərbaycan-Ermənistan sərhəd xəttinə səfəri ölkəmizə qarşı başladılan qərəzli kampaniyanın davamıdır" - Emil Əkbərov

"Ali Baş Komandan İlham Əliyevin rəhbərliyi Müzəffər Azərbaycan Ordusunun 44 günlük Vətən müharibəsində möhtəşəm zəfərə imza ataraq öz gücünə 33 illik Dağlıq Qarabağ münaqişəsinə son qoydu".

Bunu Sonxeber.az-a danışan "BİG Media"MMC-nin direktoru Emil Əkbərov bildirib.

Emil Əkbərov qeyd edib ki, 44 günlük Vətən müharibəsində əldə etdiyimiz zəfər tək ərazi bütövlüyümüzü bərpa etmədik, həm də Ermənistan və onun havadarlarının dövlətimizin gücünü göstərdi:

"Azərbaycan 44 gün ərzində tək döyüş meydanında deyil, həm diplomatik cəbhədə öz üstünlüyünü sona qədər davam etdirdi. 30 illik işğala son qoyularaq ərazi bütövlüyümüzün bərpa edilməsi Müzəffər Ali Baş Komandan İlham Əliyevin müdrik, uzaqgörən və düşünülmüş siyasətinin parlaq nəticəsidir.4 ilə yaxındır ki, artıq biz böyük qürur hissi ilə rayon və şəhərlərimizin işğaldan azad edilməsi gününü böyük qürur hissi ilə qeyd edirik. Amma təəssüf ki, münaqişəyə son qoyulması, regionda sabitliyin təmin edilməsi bəzi dövlətlərin və təşkilatların planlarını puça çıxardı. Xüsusilə də Fransanın. Fransa 44 günlük Vətən müharibəsində və ondan sonrakı dövrdə ölkəmizə qarşı açıq-aşkar qarayaxma kampaniyasına və təxribatlara başlayıb. Ölkəmizə qarşı aparılan bütün təxribatlara baxmayaraq Azərbaycan COP29 kimi mötəbər beynəlxalq tədbirə uğurla ev sahibliyi edərək iqlim danışıqlarında tarixi nəticələr əldə etməyə müvəffəq.oldu. Hətta fikrimcə COP29 iqlim diplomatiyasında həm dünya həm COP tarixinə kimi tarixə böyük dönüş nöqtəsi kimi həkk olundu".

Emil Əkbərov vurğulayıb ki, Ermənistanda fəaliyyət göstərən Avropa İttifaqının (Aİ) missiyası da Fransa kimi binokl diplomatiyası çərçivəsində ölkəmizə qarşı anti-Azərbaycan mövqeyi nümayiş etdirir:

"Missiyanın qərəzli siyasəti Fransa ilə eynidir. Polşa prezidenti Andjey Dudanın Azərbaycan-Ermənistan sərhəd xəttinə səfəri də ölkəmizə qarşı aparılan qərəzli siyasətin davamıdır. Azərbaycanın strateji tərəfdaşı olan Polşa prezidentinin Fransanın və Ermənistanın başlatdığı şouya qatılması iki dövlət arasında münasibətlərin gərginləşməsinə səbəb olacaq addımdır. Görünür, Andjey Dudanın bu addımını onun xaricdəki ermənipərəst dairələrin təsiri altına düşməsinin və Avropa İttifaqının Ermənistanda fəaliyyət göstərən dırnaqarası missiyasının iyrənc oyunlarına əlavə dövlətlərin də alət olunduğunun sübutudur. Ermənistan rəhbərliyi bilməlidir ki, Fransa və digər havadarlarının tapşırıqlarını yerinə yetirməklə öz dövlətinin varlığını şübhə altına alır".

Telegramda izləyin