"Polşa prezidentin Ermənistana səfəri zamanı "binokl şousu"nda iştirak etməsi qeyri-dost addımdır" - DEPUTAT

"Polşa Prezidenti ötən ay ölkəmizdə keçirilən COP29 konfransında iştirak edib və iqlim dəyişmələri ilə mübarizə istiqamətində ölkəsinin mövqeyini ifadə edib".

Bunu Sonxeber.az-a danışan deputat Pərvanə Vəliyeva bildirib.

Deputat qeyd edib ki, Polşa prezidentin Ermənistana səfəri zamanı Avropa İttifaqının Azərbaycanla şərti sərhəddə faktiki kəşfiyyat missiyasına baş çəkməsi və "binokl şousu"nda iştirak etməsi qeyri-dost addımdır:

"Bu addım Polşa ilə Azərbaycan arasında imzalanmış strateji tərəfdaşlığa dair sənədin ruhu ilə bir araya sığmır və Azərbaycanın haqlı narazılığı ilə qarşılanır. Polşada statistikaya görə 100 minə yaxın erməni yaşayır. Eləcə də Polşada 2025-ci ilin yanvar ayında prezident seçkiləri keçiriləcək və bu addım da hesab edirəm ki, məhz, orada yaşayan ermənilərin səslərini qazanmaqdan ötrü atılmış addım idi. Eyni zamanda bəzi ölkələr Qərbin super güclərinin gündəliyinə xidmət edən addımlar atmaqla onlarla bir xətdə olduğunu göstərməyə çalışır ki, "erməni sevgisi" də bunlardan biridir. Həmçinin, rəsmi Varşava da Almaniya bundestaqının saxta "erməni soyqırımı" ilə bağlı qətnaməsini tanıyan ölkədir. Bu "soyqırımı" tanıyan qərarı ilə Polşa Ermənistana dəstəyini ifadə edib".

Telegramda izləyin