Kürəkən qayınatasını bıçaqlayıb öldürdü

Ankaranın Sincan rayonunda boşanmaq istəyən cütlüyün ailələri arasında yaranan mübahisə ölümlə nəticələnib.

Sonxeber.az türk mediasına istinadən xəbər verir ki, boşanma prosesində olan cütlüyün ailələri mübahisə etməyə başlayıb. Mübahisə getdikcə davaya çevrilib. Bu zaman gəlinin atası Ç.A. silahını çıxararaq kürəkəninin anası D.K.-ya və qardaşı S.K-ya silahla xəsarət yetirib. Gördüklərindən şoka düşən kürəkən hadisə yerindən tapdığı bıçaqla qayınatası Ç.A – ya xəsarət yetirib. O hadisə yerində dünyasını dəyişib.

Hadisə nəticəsində yaralananlar xəstəxanaya çatdırılıb. Kürəkən polis tərəfindən saxlanılıb.

Faktla bağlı istintaq davam edir.

Telegramda izləyin