Qovulduğu iş yerinə silahlı basqın etdi

Ümraniyedə metronun idarəetmə mərkəzində şübhəli şəxs silahla havaya atəş açıb.

Sonxeber.az türk mediasına istinadən xəbər verir ki, hadisə saat 20:00 radələrində Ümraniye mahalının Parseller məhəlləsindəki İBB Behiç Erkin Metro Komandanlıq Mərkəzində baş verib. Əlində silahla metronun komanda mərkəzinə gələn Y.K.-nı mühafizəçilər içəri buraxmayıb və o əsəbiləşib havaya atəş açmağa başlayıb.

Daha sonra Y.K təhlükəsizlik işçilərini girov götürməyə cəhd edib. O polis tərəfindən çətinliklə zərərsizləşdirilib.

Y.K "qəsdən adam öldürməyə cəhd" maddəsi ilə tutularaq həbsxanaya göndərilib.

Araşdırma zamanı Y.K-nın metroda dispetçer işlədiyi və işdən çıxarıldığı üçün bu əməli törətdiyi öyrənilib.

Faktla bağlı başladılan istintaq davam edir.

Telegramda izləyin