Atası Çimnazın ölümündə həkimləri günahlandırdı - Video

"Anası rəhmətə getdi, ağlaya bilmirdi, stres keçirirdi. Sentyabrın 25-də anası öldü, oktyabrda ağrıları başladı. Anasının 40 mərasiminə 1 həftə qalmış pisləşdi".

Axşam.az xəbər verir ki, bu sözləri mərhum aktrisa Çimnaz Sultanovanın atası Mütəllim Heybətov "Xəzər axşamı"na açıqlamasında deyib. O, qızının anasının vəfatından sonra vəziyyətinin ağırlaşdığını bildirib:

"Mənə zəng etdi ki, ata, gəl. Getdim, dedi ki, ölürəm, apar məni həkimə. Mədə, bağırsaq keçməməzliyi yarandı. Bunu düzüb-qoşduq, gəldi evə, bizimlə otururdu. Həkimə dedim ki, nə zaman sağalacaq? Dedi, ay yarıma. 21-ci gündə zəng gəldi, həkim dedi gəl. Mənə dedi ki, ata depozit istədilər. Apardım depoziti qoydum. Deyirəm axı həkimlər deyirdi 2 ay keçməlidir, 21 gün tezdir. 7 saat əməliyyat keçdi. Bir gün keçdi yenə çağırdılar ki, vəziyyəti pisdir. Cərrahlar baxanda deyirdi ki, 21 gün tezdir, 2 ay keçməlidir. Bunu saldılar kritik ölümə. Günü-gündən psiləşdi. Ayaqları tutuldu, gəzə bilmədi. Həkim deyir, ölümdən qurtarmışıq. Deyirəm, qızım ayaqları ilə xəstəxanaya gəlib, siz ölümə salmısınız. Heç vaxt təzyiqi yox idi, təzyiqini qaldırdılar. Səhər getmişdim yanına, deyirdi, sıyıq, kəsmik yemişəm.

Aktiv idi, arzuları çox idi. Qohum, dost sevən idi. Şəhərdə yaşayırdı. Anası vəfat edəndən sonra deyirdi atamın yanına köçəcəyəm".

Qeyd edək ki, Çimnaz yanvarın 15-də bağırsaq xərçəngindən vəfat edib.

Telegramda izləyin