Timsahlar sərxoş kişini parçaladı

Kubada timsahlar sərxoş adamı parçalayıblar.

Lent.az xarici KİV-ə istinadla bildirir ki, hadisə fevralın 7-də timsah fermasının yerləşdiyi Matanzas əyalətinin Boka de Quama turizm mərkəzində baş verib.

Hadisə şahidlərinin sözlərinə görə, həmin sərxoş mərkəzin ərazisində olub. Qəflətən alt paltarını soyunub və timsahlarla dolu olan gölə atlayıb. Dərhal heyvanlar onu parçalayıblar. Sonradan məlum olub ki, həmin adamın adı Pablodur, soyadı açıqlanmır.

"Hər şey gözümün qabağında olub. Mən orada işləyirəm, o da içəri girdi. O, sərxoş idi. Bu, indiyə qədər gördüyüm ən qorxunc mənzərədir. Bu kabus başımdan çıxa bilmir. 1959-cu ildə bura açılandan bəri belə hadisə baş verməyib" deyə fermanın işçisi Kevin Fernandez bildirib.

Pablonun yaxınları bildiriblər ki, onun həqiqətən timsahlara tərəf tullandığını, yoxsa hasarın kənarında sürüşüb-sürüşdüyünü hələ bilmirlər. Kişinin bacısı qızı baş verənlərdən bütün ailənin şoka düşdüyünü bildirib. O, fermada lazımi təhlükəsizlik tədbirlərinin olub-olmadığını araşdırmağa çağırıb.

Telegramda izləyin