Onun üstünə bıçaq çəkən dostunu hündürlükdən itələdi: Başından xəsarət aldı - VİDEO

Əldə edilən məlumata görə Dənizlinin Kale mahalına bağlı Cevherpaşa Məhəlləsində A.A. adlı şəxs(52) spirtli içki qəbul etdikdən sonra K.U.-ya məxsus olduğu bildirilən Atilla küçəsində yerləşən qəhvəxanaya gedib.

Sonxeber.az türk mediyasına istinadən xəbər verir ki, burada naməlum səbəbdən A.A. ilə O.E arasında mübahisə yaranıb.

Mübahisə zamanı A.A. O.E.-nin üzərinə bıçaq çəkib, daha sonra O.E-nin onu itələməsi nəticəsində 2 metr hündürlükdən yıxılıb.

Yıxılma nəticəsində başından ağır xəsarət alan A.A. ayağa qalxa bilməyib. Bölgədəki vətəndaşların yerdə qan gördüklərini bildirməsi üzərinə əraziyə polis və tibbi qruplar sövq edilib.

Başı üstə yıxılaraq ağır yaralanan A.A., hadisə yerində olan sağlamlıq qruplarının göstərdiyi ilk yardımdan sonra təcili yardımla Kale Dövlət Xəstəxanasına aparılıb. Burada edilən müdaxilədən sonra o, Pamukkale Universiteti Xəstəxanasına köçürülüb.

Reanimasiya şöbəsində yerləşdirilən A.A.-nın müalicəsinin davam etdirdiyi öyrənilib. O.E. polis qrupları tərəfindən nəzarətə alınıb.

Telegramda izləyin