Dəvətsiz getdiyi toyda bəy və gəlinə həyatlarının şokunu yaşatdı - VİDEO

Adanada iki fərqli şadlıq sarayında baş verən oğurluq hər kəsi şoka salıb.

Sonxeber.az türk mediasına istinadən xəbər verir ki, 48 yaşlı S.E. əvvəlcə dəvət olunmuş kimi toylara girib, tort yeyib, Daha sonra isə 100 min TL dəyərində pul, qızıl-zinət əşyaları oğurlayıb. Cütlüklər toydan sonra pul və qızılları sayarkən əskiklər görüb və polisə müraciət ediblər.

Polis üz tanıma sistemini istifadə edərək şübhəlini təsbit edib. O, evində keçirilən əməliyyat zamanı saxlanılıb. Polis bölməsinə aparılan şəxs ifadəsində "Toy olduğunu gördüm, içəri girdim, tort yedim, sonra qızıl və pulları görəndə özümü saxlaya bilmədim və oğurladım", - deyə bildirib.

Ədliyyəyə sövq edilən şübhəli məhkəmə tərəfindən həbs olunaraq həbsxanaya göndərilib.

Telegramda izləyin