Məscidə getdi, avtomobili oğurlandı – keçmiş bələdiyyə sədrinin başına gələnlər

Türkiyənin Manavqat rayonunun Çağlayan məhəlləsində qeyri-adi hadisə baş verib. Oymapınarın keçmiş bələdiyyə sədri Tevfik Güven, səhər saatlarında 07 LJN 91 dövlət nömrə nişanlı avtomobili ilə Çağlayan məscidinə gəlib. Avtomobilini park edib açarı üstündə saxlayan Güven, məscid imamı ilə görüşə girib.

Sonxeber.az türk mediasına istinadən xəbər verir ki, lakin bir neçə dəqiqə sonra o, avtomobilin hərəkət edib uzaqlaşdığını görüb:

Güven dərhal polisə məlumat verib. Təhlükəsizlik kameralarına baxış zamanı avtomobilin bir qadın tərəfindən oğurlandığı və Sarılar istiqamətində hərəkət etdiyi müəyyən olunub. Asayiş polisi axşam saatlarında avtomobili Sarılar məhəlləsində park vəziyyətində tapıb. Oğurluqda şübhəli bilinən və bir sıra cinayət keçmişi olan, maddə təsiri altında olduğu öyrənilən D.Y. adlı qadın 400 metr aralıda piyada halda saxlanılıb.

Avtomobil ekspertiza sonrası sahibinə qaytarılıb. Tevfik Güven hadisə ilə bağlı bunları deyib:
"Sadəcə 10 dəqiqəlik bir gözləmə idi. Arxaya baxdım, maşın yox idi. Polis dərhal hərəkətə keçdi və qısa zamanda tapdı. Hər kəsə dərs olsun: maşınınızı, hətta bir neçə metr uzaqlaşsanız belə, mütləq kilidləyin!"

Telegramda izləyin